منتدي الامير
اهلا ومرحبا بك في منتدي الامير
اذا اردت التسجيل برجاء ادخال اسم عضو مناسب وباسورد ويجب ان يتكون الباسورد من ارقام وحروف لكي يتم قبوله مع تحيات اداره المنتدي
منتدي الامير

برامج كمبيوتر برامج جوال صور فيديو وترانيم


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

اشهد ولازم اشعد

اذهب الى الأسفل  رسالة [صفحة 1 من اصل 1]

1 اشهد ولازم اشعد في الأحد 24 مارس 2013, 6:36 pm

Jesus Daughter

Jesus Daughter
Admin
Admin
كلنا عارفين الاية اللي بتقول ونحن نعلم ان
جميع الاشياء تعمل معا
ومش لازم اكمل والا ادارة منتدانا الغالي
هاتحذف موضوعي باعتباره مكرر
فهذه شروط المنتديات
بس اللي عايز اقوله
هو ان انا لغاية عيد نياحة الباباكيرلس ماكان عندي صليب
اقصد ماكنش عندي صليب في ايدي
لان اهلي خافوا يدقولي وانا صغير ولان كان عندي انيميا
والدكتور محذر ماما من اي ميكروب
وانتوا عارفين طبعا مخاطر الابر
المهم وانا رايح الطاحونة يومتها سمعت جمبها وقدامها
الشباب المرتزقة من مهنة الوشم يشغلون المكنة للجذب
فصوت هذه المكنة فكرني انا ماعنديش صليب وخلاني
شبطت في ربنا ان يبقي عندي واحد
عموما دخلت الكنيسة احضر القداس والحق اقول لكم لم يكن
هدفي الاول الحضور بل حبيت اضرب عصفورين بحجر
يعني مني بحضر ومني بفكر
للموضوع كمالة بس هابعتها دلوقتي لحسن النور يقطع
واخاف هه هه قصدي تروح وبعدين ابقي اعمل تعديل واكمل
عشان ما اخسرش تلقائية كلامي

بس يا حبايبي فدخلت القداس ووانا جوا عمال افكر ان
الصليب دقه كدا كدا مش طقسي
فقلتله ياربي ساعدني ان اسمع صوتك في دي
فقعدت اقول لنفسي هو يا واد في حتي ترنيمة بتدعي لدق
الصليب دا في ترنيمة بتقول صليبي ياصليبي مصنوع من
الخشب وقيمتك اغلي من الدهب لكن هل في حاجة عن الدق
وثانيتها افتكرت ترنيمة انا مسيحي مسيحي
اللي بتقول انا مسيحي مسيحي وصليبي دقه في ايديا
وهو في قلبي في قلبي اعز من عينيا
فحسيت ان ربنا بيوضحلي ويكسفني ويزقني علي الدق هه هه هه
ولقيت ان جملة دقه في ايديا اني انا عن احتمال وايمان
ادقه مش اهلي يكونوا دقهولي وانا مش دريان
وبعدين طلبت من ربنا هاتف تاني
فجاتلي فكرة بتقول افترض ان بعد فترة احوال البلاد العربية
اتغيرت واصبحت المسيحية فيها مشروعة علي الاخر
وفي رخاء وقتها تدق
لأ الصديق عند الضيق وانت صاحب يسوع
والانبا بولا بيقول من يهرب من الضيقة يهرب من الله
والبابا شنودة قال ماتصليش ان ربنا يرفع الضيقة لكن
صلي انه يديك بركتها واحتمالها
وكان النهاردة 9 مارس يوم غالي عندي اوي وبكل المقاييس
وفي سنة 20013 البسيطة زي ماربنا بسيط ومحب واصحاح المحبة كورنثوس13 يعني سنة الله يعني مفيش
مهرب ولا مناعة فقلتله لتكن ارادتك يارب
لاننا مش هاقول انا ماعنديش صليب بركة ياكنيسة
لحسن اتعرض لاضطهاد او سكب مية نار عليه
لأ دا انا لو مااستحملتش طوعا ابرة دقه يبقي اكيد
هانكر المسيح عند اول طلب لانكار ايماني
لان حبيبي يسوع قال الامين في القليل امين ايضا في الكثير
هانشرها بأذن ربنا يسوع وارجع اكمل بأذنه ايضا
بس كنا وصلنا لفين اه فلقيت انها لازم تتعمل وجايز تكون
اخرة فرصة في عمري فطلبت من ربنا المعونة ومن البابا
الشفاعة متبركا بيده الممسكة بالصليب في الصورة اللي
ما بين الهيكل والشعب والتانية اللي جمب باب الخروج
وخرجت
لقيت عيلين بيقولولي اشتري مننا بطاقة الباب كيرلس والبابا
شنودة كل واحدة بجنيه
فقلتلهم طيب انا هاروح اجيب حاجة ووانا راجع هاشتري بس
صلولي اتوفق فيها
ماكنتش عايز ابين للشيطان اني هادق
وبعدين وقفت جمب راجل بيدق قدامه ام واقفة واب قاعد
علي كرسي ماسك ايد بنته البيبي اللي كف ايديها قد
الجزء السفلي في الماوس
وبيقول للأم تدقي انتي كمان قالتله ادق ايه اذ كان انا ببص
بس وخايفة ففي عز ماهو مشغول ببنته وطيت جمب ودنه
وربت علي كتفه وقلتله صليلي اني اتشجع وادق زيها
انا كمان ووريته ايدي فاضية اللي فيها مش داقق
وبعدين سألت الراجل بكام قال يعني هي دي المشكلة هه
فقالي الصليب والتاريخ بعشرين
فقلتله طب هاتوجعني قالي ماتخفش ما انت شايف العيال الصغيرة اهيه
قلتله بعد ما مسك ايدي لأبلاش انا خايف وسحبت ايدي
طبعا معظمكم بيضحك عليا دلوقتي مش مشكلة هوذا سر
اقوله لكم انا فعلا جبان
وبعدين ربنا اللي رتب ووراني الطفلة خلي عند الراجل طولة
بال وقاللي جملة ريحتني جدا كالسحر
مش قصدي السحر الشيطاني
هات ايدك ولو من اقول شكة حسيت بحاجة قوللي شيل هاشيل
فاتشجعت بتلت حاجات اني كنت واخدها علي انها عذاب
زي عذبات القديسين وعايش في دور الشهيد والمعترف
وشغلت بالي بجمال اللي هلاقيه بعد كدا يكفي اني مش هاضطر
لدخول الكنايس بعد كدا لعرض البطاقة
وربنا فكرني ان ماما قالتلي قريبتي اللي هزت ايدها صليبها
اتعوج وابن خالي وهو في ابتدائي خاف فهز ايده فعاده تاني
وعمل عليه بعد ما اتعوج فماسقتش العوج وثبت ايدي
وعيني علي صورة الباكيرلس والباباشنودة والمسيح ومارمينا والعدرا في لوحة فوقية
وشفت بنتين في ابتدائي ولا اعدادي بيضحكوا عليا
فوانا بدق قلت لهم أي ايوة انا ولد وبقول اي
بس ربنا هايعنني انا صليت للباكيرلس قصدي اتشفعت
بس غلطت من الالم القليل في ايدي
وهو هايعنني
وكنت بقوله وانا بشكره بايدي التانية انه اتاحلي الفرصة
واداني الهدية دي انت تستاهل كل تعب يارب
ودقيت الصليب والتاريخ واي تاريخ وصورته بالمحمول
وعندي صورته ليكم في ايدي ذكري وعرفان بالجميل
فكما ان المسيح من اجل السرور الموضوع امامه احتمل
الصليب مستهينا بالخزي هكذا الحقير مينا من اجل السرور
الموضوع امامه احتمل الدق مستهينا بالالم
لكن الاروع والاجمل اني روحت فرحان فبفتح اشوف
جايز جاتلي رسايل زوار معايدة لقيت
المراقبة المباركة دميانةبعتالي تهنئة في صورة مطبوع عليها
اغلي تاريخ عندي

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى